طت جوه القاعة لحد ما وقفت في وش عثمان بك مباشرة، وعينها في عينه من غير أي خوف. قالت بصوت رزين هادئ قطع صخب القاعة:”خلصت كلامك يا عثمان بك؟ ولا لسه فيه جعبتك أكاذيب تانية تحب تقولها للناس عشان تداري بيها طمعك في الكرسي؟”عثمان ضحك بسخرية وقال:”جريئة واللهِ!
بس الشجاعة لوحدها ما تعملش ملكة يا بنت الحارة.. فين دليلك القاطع إنك من السلالة دي، غير شوية مية سحرية ضحكتِ بيها على الولد الغلبان ابن أخويا؟”إنجي ابتسمت ببرود، وأشارت بإيدها للحراس. دخلت ورأهم ست عجوزة من أقدم سيدات القصر الملكي، اللي كانت حاضرة يوم ولادة آخر ملكة، واللي الكل كان فاكر إنها ماتت من سنين!
الست العجوز وقفت قدام المجلس كله، ورفعت راسها وقالت بصوت مسموع:”الوثيقة مش مزورة يا عثمان بك.. وأنا الشهيدة الوحيدة الحية اللي على أصل الختم ده. والدم اللي نطق في النافورة امبارح، هو نفس دم الطفلة اللي هربناها زمان عشان نحميها منك ومن طمعك!
“عثمان بك وشه جاب ألوان، والدم فر في دماغه من الصدمة، ومابقاش عارف ينطق حرف واحد. التجار والأعيان قاموا من أماكنهم في ذهول، والكل بدأ يبص لإنجي نظرة احترام ورهبة حقيقية. إنجي قربت من عثمان خطوة وقالت بصوت حاسم:”دلوقتي.
. مين فينا اللي مدعِي يا عثمان بك؟ ومين فينا اللي مكانه الحقيقي برة السرايا كلها؟”
#حكايات_شروق_خالد#حصري
الصمت اللي عمّ القاعة كان أثقل من الجبل. عثمان بك وقف مكانه مسمّر، بيبص للست العجوز وكأنه شاف عفريت، والكلمات هربت من لسانه. الأعيان والتجار ما استنوش لحظة؛
الكل قام على حيله وبدأ يصفق، والتهليل والتكبير ملا السرايا كلها. خلاص، الحكاية اتلخصت، والحق رجع لأصحابه. أسر قام من مكانه ببطء، وابتسامة فخر وإعجاب مرسومة على وشك، وخطا ناحية إنجي قدام الكل، ووطى راسه باحترام حقيقي وقال بصوت مسموع:”الملكة الحقيقية ظهرت..
وأنا أول واحد بينحني عشان يقدّم لها الولاء، مش بس كأمير، لكن كراجل قلبه اختارها قبل المية ما تنطق.”إنجي بصتله نظرة مليانة قوة وثقة، ورفعت راسها لفوق، وقالت بصوت هادي يوصل لكل ركن في القصر:”عصر الاستغلال والظلم انتهى النهاردة..
ومن اللحظة دي، السرايا مش بس هتحكم، دي هتسمع صوت الناس بجد.”وسط هتافات الشعب وصيحات الفرح اللي هزت جدران السرايا، عثمان بك اتقبض عليه واتسحب برا القصر وهو بجر أذيال الخيبة والذل، واتفتح لبلدنا صفحة جديدة نورها أسطوري، بطلتها بنت حارة أصيلة، أثبتت للكل إن الأصل الحقيقي بيظهر مهما طال الزمن.
النهاية. ملكة الحارة.. عرش من زمرد
حكايات شروق خالد
