في حفلة التخرج، ولد واحد بس طلَب يرقص معايا عشان كنت على كرسي متحرك—بعد ٣٠ سنة، قابلته تاني… وغيرت حياته.
ما كنتش طول عمري على كرسي متحرك. قبل الحفلة بست شهور، سواق سكران عدّى الإشارة الحمرا ودمر كل حاجة—رجليّ، خططي، والحياة اللي كنت فاكرة إني هعيشها. في لحظة كنت بنقي الفساتين مع صاحباتي… وفي اللحظة اللي بعدها، بقيت بتعلم إزاي أعيش في جسم ماببقاش بيسمع كلامي.
عقبال ما جه وقت الحفلة، كنت خلاص مش هروح.
بس أمي أصرت: “أنتِ تستاهلي ليلة واحدة تتبسطي فيها.”
فعشان كده روحت، وقضيت أغلب الليلة قاعدة لوحدي في الركن، فستاني مفرود بعناية على رجليّ، وأنا بتفرج على الكل بيضحكوا، ويرقصوا، وعايشين حياتهم. فيه ناس كانوا بيبعدوا عينهم عني، وناس تانيين عملوا نفسهم مش شايفيني أصلاً.
بعدها، قرب مني “عمر”. أشهر ولد في المدرسة ونجم الكورة. أخر شخص كنت أتوقع إنه يجيلي.
قال بصوت هادي: “أهلاً… تحبي ترقصي معايا؟”
همستله: “أنا… أنا مابقدرش.”
ابتسم وقال: “يبقى هنعرف نتصرف.”
وبطريقة ما، اتصرفنا فعلاً.
بقى يلف الكرسي بتاعي، ويرفع إيديا، وخلاني أحس إن الناس شايفاني… ولتمن دقائق، ما كنتش البنت اللي الكل بيبعد عنها. كنت مجرد بنت طبيعية.
ما شفتوش تاني أبداً بعد الدراسة.
الحياة اتغيرت بالبطيء. عمليات، علاج طبيعي، ووجع عمره ما اختفى تماماً. وفي يوم… وقفت على رجليّ تاني. بنيت حياة، وحققت شغل ومهنة.
لحد ما جه يوم، بعد تلاتين سنة.
كنت في كافيه في القاهرة لما اتكعبلت، والقهوة السخنة اتدلقت على إيداي والناس كلها دورت وشها وتبص عليا.
وفجأة جه حد بيجري.
“يا أنسة—ما تقلقيش، أنا هظبط كل حاجة.”
رفعت عيني وبصيت.
راجل بلبس شغل باهت، ماسك مسّاحة، وبيمشي بعرج واضح مع كل خطوة.
نضف المكان، واشتري لي قهوة تانية.
وأنا بتفرج عليه وهو بيعد أخر فكة في جيبه.
حاجة في صدري اتعصرت بوجع شديد.
لما لف عشان يرجعلي، بصيت فيه أكتر.
رسمة فكه… عينيه.
ده عمر!
كان أكبر في السن، وتبان عليه الملامح المجهدة—بس لسه نفس الولد الطيب والحنون.
هو ما عرفنيش.
وفجأة، عرفت… إن دي فرصتي. وهو ما كانش عنده أي فكرة أنا هعمل إيه عشانه.
تاني يوم، رجعتله ولقيته.
قربت منه أوي—وقلتله حاجة كنت شايلاها في قلبي بقالي تلاتين سنة.
إيديه اتجمدت…
#حكايات_شروق_خالدإيديه اتجمدت على المسّاحة، وبصلي بذهول وهو مش مستوعب.
قلتله بصوت برعش من التأثر: “أنا مريم… البنت اللي كانت على الكرسي المتحرك في حفلة التخرج من تلاتين سنة، البنت اللي أنت أخدت إيدها ورقصت معاها لما الكل كان بيتجاهلها.”
عمر فتح عينيه على وسعهم، والقلم أو الحاجة اللي كانت في إيده وقعت. بصل دقايق طويلة، ملامح وشي القديمة بدأت تترسم قدامه، وفجأة ابتسامته الدافيّة ظهرت من وسط التعب، وقال بصوت واطي: “مريم؟ أنتِ واقفة على رجلك؟!”
قعدنا سوا، وحكالي اللي حصل معاه. بعد المدرسة، أبوه تعرض لحادثة كبيرة واضطر عمر يسيب دراسته وشغفه بالكورة عشان يصرف على علاجه وعيلته. وتوالت عليه الظروف الصعبة، واشتغل كل شغلانة ممكنة لحد ما جسمه اتدمر من الشقى وبقى بيمشي بعرج، وانتهى بيه المطاف بيشتغل عامل نضافة في الكافيه ده عشان يسدد ديون تراكمت عليه.
عمر ما طلبش حاجة، وما اشتكاش.. كان راضي ومبتسم رغم كل القسوة اللي شافها.
بس أنا في اللحظة دي، كنت باخد أكبر قرار في حياتي.
أنا ربنا كان كرمني بعد سنين العلاج، وفتحت شركة كبيرة ونجحت، وربنا رزقني من وسع. عمر ما كانش يعرف إن التمن دقائق اللي إداهمالي زمان، كانوا هما الشعلة اللي خلتني أتمسك بالحياة وما استسلمش للعجز.
تاني يوم، عمر اتفاجئ بمحامي وشركة مقاولات بيخبطوا على بابه.
أنا ما اديتوش صدقة أو حسنة.. أنا اشتريتله البيت اللي كان بينطرد منه، وسددت كل ديونه بالكامل، وعينته مدير المشتريات واللوجستيات في شركتي بمرتب محترم يضمنله حياة كريمة هو وعيلته لأخر يوم في عمره، لأن أمانته وضميره كانوا يستاهلوا المكانة دي.
لما جه الشركة أول يوم بلبس جديد ودموعه في عينيه، مش عارف يشكرني إزاي..
قربت منه وقلتله: “أنت يوم الحفلة ما رقصتش مع بنت عاجزة بس يا عمر.. أنت وردتلي إنسانيتي ودفعتني أقف على رجليّ. والنهارده.. أنا بس برد جزء بسيط جداً من دين عمره تلاتين سنة.”
#حكايات_شروق_خالدالسنين عدت، وعمر ثبت إنه مش بس إنسان جدع وطيب، ده كمان طلع راجل أمين ومنظم جدًا في شغله. مسك قسم المشتريات في الشركة، وبقى يراعي ربنا في كل مليم يدخل أو يخرج، وكأنه ملكه الخاص.
العمال والمهندسين في الشركة بقوا يحبوه ويحترموه؛ لأن طبع الحنية والأصول اللي كان جواه وهو عيل، فضلت معاه لما كبر. كان بيحس بالضعيف ويقف مع الغلبان، ورجع صلب طوله وهيبته من تاني.
وفي يوم، وأحنا بنحتفل بمرور 10 سنين على تأسيس الفرع الجديد للشركة، كان فيه تكريم لأفضل شخصية مؤثرة في المؤسسة.
طلعت على المسرح، ومسكت المايك، وبصيت في القاعة المليانة بالناس. كان عمر قاعد في الصف الأول، لابس بدلة شيك، وفي عينيه لمعة رضا وراحة بعد سنين الشقى.
قلت في المايك بصوت مسموع للكل:
“من 40 سنة، فيه حادثة غيرت حياتي وحرمتني من المشي. يومها افتكرت إن حياتي انتهت.. بس في ليلة واحدة، فيه شخص اتعامل معايا كإنسانة كاملة، مش مجرد حالة تصعب على حد. الجدعنة دي هي اللي زقيتني أقاوم وأقف على رجليّ وأبني المكان اللي أحنا فيه النهاردة.”
شاورت عليه وقلت:
“التكريم النهاردة مش لمدير ناجح بس.. التكريم لـ ‘عمر’، الراجل اللي علمنا كلنا إن جبر الخواطر ممكن يغير مسار حياة إنسان بالكامل.”
القاعة كلها قامت وقفت وسقفت بحرارة شديدة. عمر قام وهو مش مصدق، والدموع مغرقة وشه، طلع على المسرح واستلم الدرع.
ولما قرب مني عشان يشكرني، هزر معايا وقال بصوت واطي وهو بيضحك:
“يا ترى لو عزمتك ترقصي معايا النهاردة بمناسبة التكريم، هتقوليلي ما بقدرش برضه؟”
ضحكت من قلبي وقلتله:
“المرة دي هرقص وأنا واقفة على رجلي يا عمر.. وأنا شايلا لك جميل عمري ما هنساه.”
رقصة من ٣٠ سنة
حكايات شروق خالد
