روايات وقصص

ليلة الخيانة الكبرى ج1 حكايات شروق خالد حصري

ع الشاشة، كانت سناء (أم نورين) ماسكة ملف كبير وقاعده تفحص الأوراق بتركيز.
وكانت بتقول لبنتها: “التوكيل الرسمي خلص وموثق وجاهز. هنخلي فارس يمضي عليه أثناء العشاء وبس كده.. بعد الليلة دي، كل الأسهم والحلال هيكون تحت سيطرتنا بالكامل.”
نورين سألتها وهي خايفة شوية: “وطيب.. وفاطمة هنعمل معاها إيه؟”
أمها قفلت الملف وقالت بجفاء: “الست العجوزة دي لازم تترمي بره البيت ده النهارده قبل بكره.”
“ليه الاستعجال يعني؟”
الكلمة اللي ردت بيها الأم خلت فارس يتسمر مكانه ومينطقش حرف واحد:
“علشان فاطمة دي عارفة البلاوي اللي عملتها مع عيلة مهران من أكتر من تلاتين سنة.. ولو فتحت بوقها وتكلمت بحرف واحد، هنخسر كل حاجة في ثانية.”
الجزء الثاني
فارس فضل باصص في شاشة التليفون وعينيه جاحظة من الصدمة. الكلام نزل عليه زي الصاعقة. أم نورين دي اللي كان فاكرها ست محترمة وجاية من عائلة راقية، طلعت مدبرة لكل مصيبة، وفاطمة اللي ربته وعاشت طفولتها وعمرها كله تخدمهم، ناوين يرموها زي الكلبة لمجرد أنها عارفة سر قديم ممكن يهدم حصون عائلة مهران كلها.
“يا عويس، العربية بسرعة.. ورجعني المقطم دلوقتي حالا من غير ولا كلمة!”
عويس مكنش فاهم حاجة بس شاف في عيون فارس نظرة رعب وغضب أعمى تخليه ينفذ وهو مرعوب. ركبوا العربية واتحركوا بسرعة جنونية من المطار على القصر.
وفي الوقت ده جوه القصر، كانت نورين وقفة قدام المراية في أوضة الضيوف بتجرب فستان الخطوبة اللي هتلزق بيه في فارس وتسرق كل أملاكه، وبتقول لصاحبتها ميادة بضحكة كلها طمع:
“يا بنتي فارس ده غبي وطيب وغايب عن العِلم، هيمضي على التوكيل وهو مغمض زي المعتاد، وكلمتين حلوين على كم دمعة، هبقى أنا المالكة الناهية لكل شركات مهران وأراضيه، والعجوزة فاطمة دي هندخلها أي مصحة عقلية عشان تفضل خرسا للابد.”
ميادة ضحكت وقالت: “بس يا بت شكلها صعب وهي بتنضف الرخام.. ما خفتيش لحد من الحرس يشوفك؟”
ردت نورين بقلب جامد: “حرس مين يا ماما؟ عم صبحي ده على الله حكايته، وفارس في الطيارة في الجو يعني مش سامع ولا شايف حاجة، وبكره بالليل بعد الحفلة ما تتم، هكون رميت الزبالة دي بره القصر.”
بس مكنش في حساباتهم إن عم صبحي كان سامع وشايف كل كلمة من كاميرات المراقبة الخاصة اللي في مكاتب الأمن الداخلي. عم صبحي قفل الشاشات وقلبه بيدق بجنون، ومسك تليفونه وبعث رسالة سريعة لفارس: “يا باشمهندس، أنا عرفت إنهم ناويين على مصيبة أكبر بكتير.. فاطمة في خطر والبيت كله بيتباع من تحت راسك، انا مستنيك ع الأبواب.”
بعد ساعة إلا ربع، العربية بتاعت فارس دخلت أسوار القصر زي الرعد. البوابات فتحت على أطرافها، وفارس نزل منها بخطوات سريعة وصوته بيجلجل في أرجاء الصالة الواسعة:
“فاطمة!.. يا خالتي فاطمة!”
فاطمة كانت قاعدة في المطبخ بتمسح دموعها وبتلم هدومها البسيطة في شنطة صغيرة عشان تمشي زي ما نورين أمرت، سمعت صوت فارس اللي بيكسر الصمت، استغربت وقالت في نفسها: “يا رب.. هو فارس رجع ولا بيتهيألي؟ ده المفروض طائرته طلعت لباريس!”
خرجت فاطمة بخطوات بطيئة وهي بتمسح عينيها، وفجأة لقت فارس واقف قدامها في المدخل، وشه محتقن وعروق رقبته بارزة من كتر الغضب.
جريت نورين من جوه وهي بتتدلع وبتبتسم ابتسامة صفراء وقالت بصوت متمج: “حبيبي يا فارس! إيه ده؟ إنت جيت إزاي؟ سبت طيارة باريس ورجعت عشاني؟ ياااه للدرجادي مشتاق لي؟!”
فارس بص لها بنظرة واحدة جمدت الدم في عروقها. نظرة حرق ودمار شامل.
قرب منها بخطوة بطيئة وقال بصوت مرعب وواطي:
“رجعت عشان أشوف الحشرة اللي زيك بتأمر ست الكل تركع على الرخام اللي أكلت من خيره.. ورجعت عشان أسمع أمك وهي بتقول إنكم هترموها عشان خايفين تفتح بوقها بالسر اللي عملتوه من تلاتين سنة!”
نورين لونها خطف واتبلع ريقها بصعوبة وقالت بصوت بيرجف: “فار.. فارس.. إنت بتقول إيه؟ كاميرات إيه؟ دي.. دي أكيد كدبة.. فاطمة دي ست كبرت وبتهرف بالكلمات!”
في اللحظة دي نزلت سناء (أم نورين) من فوق وهي ماسكة شنطتها وقالت باستعلاء: “ايه الصداع ده يا فارس يا بني؟ مالك بتكلم خطيبتك بالطريقة دي؟ وبعدين الست العجوزة دي مكانها مش هنا…”
قطع كلامها دخول عم صبحي وهو ماسك فلاشة كبيرة وتابلت، وقال بصوت فخم وواثق: “لا يا هانم.. مكانها فوق راسنا كلنا.. وهنا التسجيلات بالصوت والصورة لكل اللي قلتوه من خمس دقايق، وكمان كل اللي عملتوه من سنين!”
فارس بص لفاطمة اللي كانت واقفة مكسورة الجناح، وراح ناحيتها ونزل على ركبتيه قدامها قدام الكل، مسك إيديها الخشنة وباسها بحب واحترام وقال بصوت مقهور:
“حقك عليا يا أمي.. سامحيني.. أنا اللي جبت الحية دي لبيتك وقصرك.. بس والله العظيم ما هرحم لا هي ولا اللي خلفوها.”
سناء ونورين بصوا لبعض بصدمة ومرارة، وعرفوا إن اللعبة انتهت تماماً، وإن فارس مهران اللي كانوا فاكرينه مغفل، كشف اللعبة كلها من الألف للياء.
#حكايات_شروق_خالد
#حصري
الجزء الثالث
الصمت ساد القصر كله لثواني معدودة، كأن الطيور بططل تغرد والكون كله وقف يسمع النهاية اللي بتترسم قدامهم.
فارس ساب إيد خالتي فاطمة، وقام وقف وبص لنورين وأمها نظرة تحس إنها بتطلع شرار. وبعدين لف وشه لعم صبحي وقال بصوت حاد:
“هاتهم على المكتب.. ومش عايز مخلوق يقرب من البوابات لحد ما أخلص حسابي معاهم.”
دخلوا المكتب الفخم، ونورين وأمها سناء قعدوا على الكراسي وألوانهم خطفت تماماً. سناء حاولت تتجمع وتعمل فيها البريئة وقالت بصوت متهدج:
“يا باشمهندس فارس.. الكلام ده كله هبل وكدب! دي واحدة ست عاملة وعايزة توقع بينك وبين خطيبتك عشان تكسب رضاك.. وبعدين كاميرات إيه وتوكيلات إيه اللي بتتكلم عنها؟ إنت اتجننت عشان شوية وشاية؟!”
فارس ضحك ضحكة قصيرة مليانة قهر ومرارة، وطلع من جيبه ظرف قديم أصفر، الحبر اللي عليه كان باهت كأنه مكتوب من سنين طويلة. فتح الظرف وطلع منه ورق منقوش بخط إيد أمه الراحلة، الست دولت.
“كنتي فاكراني غبي يا سناء هانم؟ ولا فاكرة إن أمي الله يرحمها وهي على فراش الموت كانت بتهرف كلام غير محسوب؟” فارس رفع الورقة في وشهم وكمل بصوت بيزلزل الأركان: “أمي سبت لي الجواب ده وقالت لي اقرأه يوم ما تختار شريكة حياتك.. وقالت لي فيه بالحرف الواحد: (احذر يا فارس عيلة بيرس.. وبالذات سناء اللي باعت أصولها وذمتها زمان، واللي لولا ستر ربنا ثم ستر خالتي فاطمة عليها، كانت زمانها في السجن بسبب جريمة التزوير والسرقة الكبرى اللي عملتها في شركة أبوك قبل ما يتجوزني!).”
سناء أول ما سمعت الكلام ده، وشها جاب ألوان والدم قعد ينشف في عروقها، لدرجة إنها كادت تقع من على الكرسي. بصت لفاطمة اللي كانت واقفة عند باب المكتب بتعيط بصمت، وقالت بصوت مرتعش:
“أنتي.. أنتي اللي حكيتي لهم؟!”
فاطمة تقدمت خطوتين وقالت بصوت هادئ وثابت، صوت وحدة عاشت سنين تشيل الهم وتداري البلاوي:
“أنا ما حكيتش يا سناء هانم.. الست دولت الله يرحمها هي اللي كانت عارفة كل حاجة من يوم ما جيتي هنا ووقعتِ في أخطائك القديمة.. أنا كل اللي عملته إني سترت عليكِ سنين طويلة عشان خاطر بنتك وعشان ما أقطعش عيش حد، بس أنتي وي للأسف.. ما تعرفيش يعني إيه أصل ولا عيش وملح، وجاية في بيتي أنا وابني وعايزة تذليني وترميني زي الكلبة؟!”
نورين بصت لأمها بذهول وصدمة وقالت بصريخ: “ماما! كلام إيه ده؟! إنتي عملتي إيه زمان؟!”. سناء اتهرست تماماً وعرفت إن الحبل اتحط حوالين رقبتها ومفيش أي مخرج.
فارس مصرش ولا ضرب، بس بص لنورين وقال ببرود مرعب:
“خطوبتنا اتلغت من ساعة ما فتحت الكاميرات وشفْتِ قذارتك.. والتصوير ده كله مع التوكيلات اللي كنتوا ناويين تمضوني عليها غصب، والجواب ده.. بكره الصبح هيكونوا كلهم في مكتب النائب العام.”
نورين انهارت وقعدت تعيط وتصرخ وتمسك في بدلة فارس وتقول: “فارس.. عشان خاطري.. بلاش أسوس.. اسمعني!”
بس فارس زقها بقوة وقال لعم صبحي وحرس القصر:
“رموا الزبالة دي بره أسوار القصر حالا.. ومش عايز أشوف وش واحدة منهم في المقطم كلها تاني.”
بعد ما خرجوا وهم بيجروا أذيال الخيبة والذل، القصر رجع لهدومه وسكونه. فارس راح ناحية خالتي فاطمة، وفتح لها دراعه وضمها بحنان الدنيا كلها كأنها أمه اللي راجعة له من جديد.
“تعالي يا أمي.. من اللحظة دي، مفيش شغل ولا تعب تاني.. أنتي ست البيت ده كله، واللي يزعلك.. أقطع رقبته.”
فاطمة حطت راسها على كتفه ودموع الفرحة نزلت على هدومه وهي بتقول: “الله يرضى عليك يا ابني.. ويجعلك دايماً رافع راسك زي ابور وأحسن.”
الجزء الرابع
بعد ما الليلة الصعبة دي عدت، والقصر رجع لهدومه وسكونه، الهوا البارد كان بيدخل من شباك المكتب، وفارس كان قاعد لوحده على مكتب أبوه، ماسك فنجان القهوة القديم اللي بزهور زرقاء وكسرة الحفة اللي سابته أمه. كان بيلعب بالفنجان بإيده وبيفكر في كل اللي جرى.
الباب خبط خبطة خفيفة، ودخل عم صبحي وفي إيده ملف صغير وورقة مطوية.
“يا باشمهندس.. الحرس سلموا الهوانم لحد أول الشارع زي ما أمرت، ومحدش قدر ينطق بكلمة.. بس فيه حاجة لازم تعرفها، دي أوراق لقيتها في عربية سناء وأنا بنظف المكتب تحت.”
فارس رفع راسه وقال بجدية: “إيه هي يا عم صبحي؟”
عم صبحي مد إيده بالورقة وقال: “دي مش أوراق عادية.. دي مستندات بتثبت إن سناء ونورين مكانوش لوحدهم في اللعبة دي.. وراهم شريك تاني كبير، هو اللي كان بيمولهم ومديهم الأمان عشان يوقعوا شركات مهران من جوه.”
فارس فتح عينه باستغراب وقام وقف مكانة: “شريك مين؟!”
قبل ما عم صبحي ينطق بالاسم، رن تليفون القصر الأرضي اللي في المكتب بصوت عالي كسر سكون الليل. فارس بص للتليفون باستغراب، مين ممكن يتصل بيه في الوقت المتأخر ده وعلى الرقم الأرضي الخاص بالقصر اللي محدش يعرفه غير قليلين قوي؟
قرب فارس ومسك السماعة وقال بصوت حاد: “مين معايا؟!”
جه صوت من الناحية التانية، صوت رجولي خشن وفيه بحة سخرية واضحة:
“أهلاً يا باشمهندس فارس.. سمعت إنك طردت خطيبتك وحماتك من الجنة بتاعتك في المقطم.. بس للأسف، شكلك نسيت إن اللعبة لسه في أولها، واللي خسرته في الشوارع، ممكن تخسره في ثواني وأنت قاعد على مكتبك.”
فارس عروقه بارت وغضب الدنيا اتجمع في صوطه: “أنت مين يا ابن الكلب؟ وبتتكلم عن إيه؟!”
جه الرد على شكل ضربة معلم من الشخص المجهول:
“اسأل نفسك.. مين الشخص الوحيد اللي كان بيمتلك نص أسهم شركة أبوك قبل ما يتوفى في الحادثة المشبوهة.. ومين اللي مستني بره البوابات بفارغ الصبر؟”
فارس قفل السكة في وش المتصل بعنف، وبص لعم صبحي وقال بصوت مرعب:
“افتح كاميرات السور الخارجي حالا.. البوابات بره فيها حد!”
عم صبحي جري على شاشات المراقبة وفتح الكاميرات الكبيرة.. وعلى الشاشة ظهرت عربية سوداء فخمة واقفة قدام البوابات الحديدية الكبيرة للقصر، والأنوار بتاعتها مطفية.. وفجأة، باب العربية اتفتح، ونزل منها شخص لابس بدلة سوداء كاملة وماسك في إيده ملف، ورفع راسه وبص لعدسة الكاميرا مباشرة وابتسم ابتسامة شريرة كأنه عارف إن فارس بيبصه من فوق.
#حكايات_شروق_خالد
#حصري
2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى