قصص

حكايات شروق خالد ج1

قوليلي شفتي إيه.
قربت العدسة أكتر.
ولقيتها تاني حكايات_شروق_خالد
الشظية الفضية الصغيرة تحت الجلد.
بس المرعبة مش شكلها.
اللي رعبني هو النقش الغريب اللي كان باين على حرفها الصغير.
أنا عرفت العلامة دي كويس.
جدي كان وراني نفس الرمز من سنين طويلة… على فارغة رصاصة كان مخبيها جوه ورشة المجوهرات بتاعتي.
رفعت راسي وأنا بترعش.
يا عاصم بيه… أنا أعتقد إني أعرف مين اللي صنع الرصاصة اللي دمرت إيدك.
من ورايا، كمال مد إيده فجأة تحت الجاكيت.
وعين عاصم ضاقت.
وققبل ما ألحق أنطق بحرف تاني، همس بصوت واطي
يا روزي، إوعي تلتفتي وراكي… الراجل اللي واقف في ضهرك دلوقتي هو اللي دبر حادثة إطلاق النار دي من تسع سنوات!
برودة مفاجئة سرت في ظهري، وكلمات عاصم رنّت في وداني زي صوت الرعد. إوعي تلتفتي…
قلبي كان بيدق بجنون لدرجة حسيت إنه هيطلع من صدري. الحكاية مبقتش مجرد قفاز أسود ولا خاتم مكسور، دي بقت مسألة حياة أو موت. إيد كمال كانت لسه تحت جاكتته، وسكون اللحظة دي كان أرعب بكتير من أي صوت.
اتكلمت بصوت مرتعش وناشف، وحاولت أثبت نبرتي على قد ما أقدر وأنا باصة في عيون عاصم اللي كانت بتتحرك بسرعة بيني وبين كمال
لو… لو تحركت أو نزلت عدستي، مش هلحق أطلع الباقي… الشظية دي مش مجرد حديد، دي أصل الحكاية كلها.
عاصم فهم قصدي في ثانية. بملامح حادة ولا كأن على راسه بطحة، رفع صوته بهدوء مرعب من غير ما يتهور
نزّل إيدك يا كمال… ومطرحك.
كمال اتجمد مكانه، وعينيه نطت بغضب خفي وهو بيبصلي كأنه عايز يبلعني حتة حتة. كشّر وقال بصوت خشن
يا باشا البنت دي عرفت أكتر من اللازم، والوجود هنا بقى خطر علينا كلنا.
الخطر الوحيد هنا هو اللي مفكر نفسه أذكى مني يا كمال، عاصم قالها وهو بيثبت نظره عليه،
وبعدين رجع بصلي وقال بجدية كملي يا روزي… إيه تاني عرفتيه من رصاصة جديتك؟
قربت أكتر من إيده، وفتحت العدسة أقصى توسيع ليها، وقولت وأنا بتنفس بصعوبة
النقش ده… مش أي نقش. جدي كان بيسميه توقيع الصانع. الورشة القديمة بتاعت عيلتنا مكنتش مجرد مكان لتصليح الدهب. زمان أوي، قبل ما العيلة تفلس، جدي صنع قطع خاصة لناس معينة… وبعض الأحيان، استجابة لطلبات خطيرة، صنع أنواع فريدة من المعادن المخلوطة اللي متتزورضش. الشظية دي فيها أثر من الفضة السوداء… ومفيش غير شخص واحد في مصر كلها كان بيطلب المعدن ده بالذات، وشريكه الوحيد في الوقت ده كان…
سكتُّ فجأة، ووقفت الجملة في حلقي وأنا بلف عيني ببطء ناحية كمال اللي كان واقف ورايا مباشرة.
كمال ضحك ضحكة قصيرة وناشفة، وقال بصوته الصارم
كملي يا روزي… مين؟
أنت، قلتها وأنا ببصه في عينيه مباشرة من غير ما أهاب الموقف.
أنت اللي طلبت المعدن ده لجدي قبل تسع سنوات، وأنت اللي كنت عارف مكان عاصم بالتحديد ليلة الحادثة، لأنك كنت وسط الحرس القديم بتاعه… بس المشكلة إنك مكنتش تحب تتقاسم الإمبراطورية دي مع حد، وكنت عايز تخلص من الاثنين بضربة واحدة!
كمال ملامحه اتغيرت في لحظة. الهدوء المصطنع اختفى وظهر وش حقيقي ومرعب.
بسرعة البرق، مد إيده التانية وطلع آلة بحذر شديد ووجهه ناحية عاصم قبل ما أنا ألحق أصرخ!
غبي… صرخ كمال وعينه شرارة نار كنت مفكر إني هفضل خدام تحت إمرتكم طول عمري؟ التسع سنين اللي فاتت كنت بمهد فيها لكل خطوة، ومفيش صائغة هبلة ولا زعيم جريح هيوقفوني دلوقتي!
لكن عاصم… ولا كأنها فارقة معاه حكايات_شروق_خالد
قبل ما صباع كمال يضغط، اندفع عاصم بسرعة لبرق من ورا المكتب، وضرب المكتب برجله طيّر الصينية والخاتم في الهوا، وفي نفس اللحظة هجم على كمال بكل قوته، وإيده السليمة الشمال طرحت كمال أرضاً في حركة جودو سريعة ومحترفة.
الصوت كان هبدة قوية هزت جدران المكتب الرخامية. الأداة طارت من إيد كمال وجا في رجلي، وأنا جريت لورا وأنا بصرخ من الخوف والرعب.
كمال حاول يقاوم ويقوم، بس عاصم كان كابح نفسه عليه بكل غضب السنين اللي فاتت، وضغط برجليه على صدره لحد ما كمال اتكتم ووقف تيار الحركة تماماً.
عاصم بص لأسفل، لقى كمال بيتنفس بصعوبة، ووشه اتملى عرق. بصلي عاصم وعينيه بتلمع ببريق غريب، وقال بصوت عميق
شكراً يا روزي… شكلي كنت محتاج أصلح أكتر من مجرد خاتم النهاردة.
قبل ما أرد، فتح باب المكتب على مصراعيه ودخل الحرس ومعاهم الحماية ومترعبين من الصوت. بس شافوا المنظر كمال واقع على الأرض مقيد، وعاصم واقف بيعدل بدلته السوداء بهدوء وكأن مفيش حاجة حصلت.
بصلي عاصم وقال كمال هيقعد في مكان ميعرفش مخرجه… أما عن ورشتك يا روزي، فمن للحظة دي، أيحكايات_شروق_خالد إيجار متأخر، أو فواتير، أو ديون، اعتبريها اتسددت بالكامل… ومعاها أضعاف أضعافها.
وقفت قدام الصندوق بتاعي وأنا لسه مش مصدقة اللي حصل في ساعتين زمان. مسكت عدستي المكبرة، وحطيتها في جيب المعطف، وخرجت من القصر والمطر بيمسح آثار الليلة الطويلة دي من على وش الدنيا.
تاني يوم الصبح، الشمس طلعت فوق المعادي، بس الجو كان لسه محمل ببرودة الليلة اللي فاتت. رجعت لورشة جدي القديمة. فتحت القفل الباب الحديدي اللي كان بيزيق كل ما أفتحه، ودخلت وسط ريحة الخشب القديم والتراب اللي بحبه. مكانش مجرد محل مجوهرات بالنسبة لي؛ كان دهب ذكرياتي مع جدي.
قعدت على الكرسي الخشب القديم قدام المنضدة، وطلعت العدسة المكبرة بتاعتي، وجنبها حطيت الخاتم اللي كنت صلحته لعاصم امبارح، وفضلت باصة لإيدي وهي ثابتة. الحياة رجعت لطبيعتها، بس أنا مكنتش زي ما أنا.
وفجأة، سمعت صوت خبط خفيف على باب الورشة الموارب.
رفعت عيني، ولقيت عربية فخمة سوداء واقفة قدام الباب. نزل منها شخص ماكنش غريب عنيمش كمال، ولا عاصم، بس راجل كبير في السن، لابس بدلة كلاسيكية، وماسك في إيده شنطة جلد صغيرة قديمة.
دخل الورشة ببطء، وابتسم ابتسامة خفيفة مليانة حزن ووقار.
أهلا يا بنتي… روزي، صح؟
وقفت ورا الترابيزة وبصيت له بحذر أيون… مين حضرتك؟ وعارف اسمي منين؟
قرب الراجل، وطلع من جيبه بطاقة قديمة جداً متهرئة، وحطها قدامي على الخشبة. بصيت للبطاقة وفتحت عينيحكايات_شروق_خالد بصدمة. دي كانت رخصة صائغة مهنية باسم جدي… وجنبها اسم الراجل ده مكتوب بخط إيد جدي الله يرحمه!
قال الراجل بصوت هادئ ومبجوح أنا ممدوح… كنت الشريك القديم لجَدك، قبل ما الدنيا تفرقنا وقبل ما قصة الفضة السوداء تبدأ أساساً. جدي كان دايماً يقولي إن فيه أسرار في الورشة دي أكتر من الدهب كله، واليوم اللي هتيجي حفيدة جدي تكتشف أول الخيط، أنا لازم أكون موجود.
قلبي رجع يدق بسرعة، وبصيت للشنطة القديمة اللي في إيده، وسألته بصوت مكتوم سر إيه يا عم ممدوح؟ جدي ساب إيه تاني ورأه؟
فتح ممدوح الشنطة ببطء، وقال مش مجرد أسرار يا روزي… دي ورشة جدي لم تكن مجرد مكان لتصليح المجوهرات، دي كانت الخزنة السرية لأكبر صفقات المعادن النادرة في مصر كلها… وعاصم مش الوحيد اللي ليه حسابات قديمة هنا.

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى