
ابتسم الأستاذ رأفت ببرود وهو بيرجع لوراء على كرسي مكتبه الفخم، وطلع ملف فاضي وابتدي يكتب بخط إيده:”طيب يا فاطمة هانم، دام الموقف اتحول لجبهة حرب، لازم نضرب الضربات الصح وفي التوقيت الصح، وعشان نضمن إننا نكسب المعركة دي من أول جولتين، خطتنا هتكون ماشية على تلات محاور رئيسية:”قعدت قدامه مركزة بكل حواسي، وهدى صحتي وقفت وراه عشان تسمع كويس.
“أولاً: على صعيد الشركة والأسهم.. المحاسب القانوني بتاعي هيدخل فوراً عشان يراجع سجلات الشركة وسجل الأسهم من تاريخ التأسيس لحد اللحظة دي. أي تلاعب في تحويل الحصص أو محاولة تهريب أصول من غير موافقتك الصريحة وبصفتك شريكة سابقة ومساهمة، هنعتبره تبديد وجريمة نصب جنائية، وده معناه تجميد فوري لكل حسابات الشركة وأسهم كريم في البورصة أو البنوك لحد ما القضاء يقول كلمته.
“”ثانياً: قضية الخيانة وتدمير الحياة الزوجية.. سكرتيرته الهانم دي (ميرهان) مش هنسيبها في حالها. صور الشات ورسائل الصوت اللي باعتها جوزك من ساعته، والصور اللي معاكي من فترة، هتقدم في محكمة الأسرة كدليل قاطع على الضرر النفسي والخيانه المستمرة رغم تعهدات جلسات الإصلاح الأسري السابقة، وده هيضمن لنا تعويض مالي ضخم ونفقة وتأمين شامل.
“”ثالثاً والأهم: حماتك المصونة.. رسالة والدته اللي بتهدده فيها وتأمر في سرقة أسهمك، دي طوق النجاة بتاعنا، لأنها بتثبت إن فيه ‘عصابة’ أو اتفاق مسبق بينه وبين أهله لسرقة أموالك وحقوقك، ودي هنوجهها مباشرة للنيابة العامة بتهمة المشاركة في الاستيلاء على أموال بطرق غير مشروعة.
“حسيت بنسمة برد تكييف المكتب تبرعني بعد لهيب النار اللي جوايا. أخيرًا، القانون هيقف في ضهري وهيجبلي حقي تالت ومثلث.”اعمل اللي شايفه صح يا أستاذ رأفت.. أنا مش هتنازل عن مليم واحد، ولا هرحم واحد كان هيبيعني عشان حتة سكرتيرة وفلوس الشركة اللي أساسها من دم قلبي.
“”اطمني يا فاطمة، اعتبري القضية خلصت من دلوقتي.”بعد ساعتين من ترتيب الأوراق والإمضاء على التوكيلات الرسمية، طلعت أنا وهدى من المكتب، وكان التليفون ما بينش رن ورسائل من كريم وأهله. عشرات المكالمات الفائتة ورسائل ترج وتوسل من كريم ومن عيلته كلها، وكلها بتدور حوالين: “تعالي نتفاهم”، “البنت ملهاش ذنب”، “أنتِ هتهدمي بيتك عشان حتة شات فارغ؟
!”.عملت لهم “بلوك” واحد ورا التاني من غير ما أقرأ حرف واحد. رجعت لفيلا التجمع الخامس، بس المرة دي مش بصفتي الست الهبلة اللي قاعدة تستنى جوزها يخلص شغل، بل بصفتي صاحبة البيت الحقيقية اللي جيا تاخد حقها بالقانون.
فتحت الباب بالخزنة بتاعتي، ودخلت الأوضة لقيت كريم قاعد على السرير وحاطط إيده على راسه، ومنظره يقطع القلب لولا إن قلبي بقى حجارة من اللي عمله. أول ما شافني، نط من مكانه وجري عليّ:”فاطمة! كنت فين؟ تليفونك مقفول ليه؟
أرجوكِ اهدي، والله العظيم ميرهان دي هطردها بكرة الصبح من الشركة، وأنا جاهز أكتبلك نص أسهم الشركة باسمك دلوقتي لو ده يرضيكِ!” حكايات شروق خالد بصيت له ببرود وسخرية وأنا بفك جاكت العباية بتاعتي:”تكتبلي نص أسهم الشركة اللي هي أصلاً بتاعتي يا نصاب؟
ولا تفضل حاطط في بطنك بطيخة صيفي وفاكرني هبلة زي الأول؟”شحب وجهه تماماً، ووقع على ركبه قدامي وماسك في أطراف هدومي:”مين قالك الكلام ده؟ أمي.. أمي كانت بتهزر! دي ست كبيرومش فاهمة حاجة في الشغل!
“في اللحظة دي، دخل علينا بواب الفيلا ووراه اتنين عمال ومعاهم محضر من محكمة تنفيذ الأحكام، ومعاهم أوراق تجميد أصول وحجز إداري على محتويات الفيلا وسيارات الشركة الموجودة في الجراج.”يا فندم.. دي أوراق الحجز على الفيلا والسيارات بقرار من محكمة الأمور المستعجلة بناءً على طلب الأستاذ رأفت المحامي.
“قالها المحضر بصوت عالي ومسموع، فبص لي كريم بعيون مذهولة ومرعوبة، كأنه أول مرة يشوفني بجد.”إنتِ.. إنتِ عملتيها بجد يا فاطمة؟ دمرتيني؟!”قربت منه لحد ما بقيت قدام وشه مباشرة، وهمست بهدوء مرعب:”أنا ما دمرتكش يا كريم.. أنا بس سبتك تاخد اللي يستحقه واحد زيك.
. بكرة الصبح، لما تلاقي نفسك بره الشركة وبره الفيلا ومطارد بقضايا النصب، ابقى اسأل ميرهان وأمك ينفعوك بايه.”سبته منهار على الأرض، وخرجت مع هدى من الفيلا، وأنا حاسة إن روحي رجعت لي، وإن حكاية “حكايات شروق خالد” الحقيقية بتاعتي أنا.. لسه بتبدأ من جديد وبقوة أكبر بكتير.
مرت الأيام اللي بعد اليوم ده كأنها سنين طويلة في عمر كريم، لكن بالنسبة لي كانت بداية ولادة جديدة. النيابة العامة ومحكمة الأمور المستعجلة ما كدبوش خبر؛ في خلال أيام قليلة كان المحاسب القانوني والأستاذ رأفت خلصوا شغلهم ودخلوا زي القطر.
تجميد كامل لكل حسابات الشركة في البنوك، وحجز إداري على سيارات الفارهة بتاعت الشغل، وحتى أسهم كريم الأساسية في الشركة اتقفل عليها بقرار قضائي لحد ما يثبت مصدر الأموال اللي اتبنت بيها الشركة من الأساس. طبعاً، الصدمة الكبيرة كانت لما ميرهان حاجة سكرتيرته دي دخلت في الهوس والمطاردة؛
أول ما لقت الشركة اتقفل عليها الحنفية والفلوس طارت، والمحاضر اتلصقت في كل مكان، جابت بعضها وهربت من غير ما تبص وراها، وسابت الشقة اللي كان مستأجرها لها تتفلس وكمان بعتت له ريكوردات بتشتمه فيها وتسبه لأنه ضحك عليها ووقعها في شباكه وهو مفلس!



