
وبرة حدود القلعة الجديدة، الشمس كانت سطعت بالكامل على مصر المحروسة، وأعلنت بداية عهد جديد.. عهد ملكة ما استستسلمتش للخيانة، بل أخذت التاج، والبلد، وكل حاجة معاها، وابتتدت من جديد.
بس القصة لسه مخلصتش.. لأن الإمبراطورية الجديدة مبتتبنيش في يوم وليلة، وحرب القصر لسه مابداش جد!
في قصر الشروق، الوضع كان أشبه بخرابة ملكية. فارس صحي من صدمته على واقع مرير: الخزنة فاضية، الحرس بينشقوا، والمجلس الوزاري بيبعت استقالات جماعية لأنهم عارفين كويس إن من غير جهاد، العرش ده مجرد حتة خشب قديمة.
سهر دخلت الجناح بكل صلف، ووشها ملامحه متغيرة من الغيظ والخوف:
“فارس! إنت قاعد حاطط إيدك على خدك كده؟! كلم الحرس.. ابعت الجيش يهد القلعة بتاعتها ويهاتوها بالصندوق! هي والاتفاقيات!”
فارس رفع عينه ببطء، وبص لها بصة كره تخلي الحجر ينطق. وقف قدامها فجأة ومسكها من رقبتها بقوة لدرجة إنها كادت تختنق، وصوته طلع واطي بس مرعب:
“بسببك.. بسبب طمعك وعمايلك، خسرت كل حاجة.. اقسم بالله يا سهر لو سمعت صوتك تاني، لهخليكي تتمني الموت وما تلاقيهوش!”#حكايات_الكاتبه_شروق_خالد
دزها على الأرض بقوة، وخرج من الأوضة وهو حاسم أمره.. مش عشان يرجعها كزوجة، ولا عشان يرجّع كبرياؤه.. ده رايح عشان ينقذ ما يمكن إنقاذه، أو عشان ينهي اللعبة دي كلها بطريقته.
على الناحية التانية، في وادي “عذراء النيل”، كانت قلعة جهاد شغال فيها العمل ليل نهار.
التجار والفرسان وقادة الأقاليم وفدوا على القلعة من كل مكان في مصر، مش بس عشان يقدموا الولاء، بل عشان يوقعوا معاهدات تجارية جديدة تضمن إن القمح والمية والتجارة تكون في خدمة الشعب مش في خدمة قصر فاسد.
جهاد كانت واقفة قدام خريطة كبيرة في غرفة التخطيط، بتوزع المهام بهدوء وذكاء شديد، وفجأة دخل عليها قائد الحرس الخاص بالقلعة وهو بينهج:
“يا مولاتي الملكة.. رصدنا حركة غير مألوفة.. مش رجالة الجارحي.. ده الملك فارس بنفسه، جاي لوحده من غير جيش، وماسك راية بيضاء على باب القلعة!”
الكل في الغرفة سكت، وبصوا لجهاد بترقب.
جهاد رفعت راسها بهدوء، وعدلت عباءتها، وقالت بصوت ثابت:
“دخل لوحده؟.. طيب، خلّوه يدخل.. أخلوا الساحة، وسيبوه يواجهني لوحده.”
بعد دقايق، بوابات القلعة الحديدية انفتحت ببطء. فارس دخل ساحة القلعة.. شعره مبعثر، دروعه غرقانة تراب وغبار، ومبقاش فيه أي ملامح للملك المتغطرس اللي كان ليلة امبارح. نزل من على حصانه ببطء، وطلع درجات العرش لحد ما وقف وش لوش قدام جهاد اللي كانت واقفة بكل هيبة وشموخ على منصة العرش.
فارس بلع ريقه، وبص في عيونها اللي مكنش فيها أي ذرة حب ولا عاطفة.. عيون امرأة تم إحراق قلبها فصنعت من رماده عرشاً جديداً.
قال بصوت مكسور ومهتز:
“أنا.. مش جاي أحارب يا جهاد.. ولا جاي أطالب بالاتفاقيات ولا بالتاج..”#حكايات_الكاتبه_شروق_خالد
جهاد ربعت إيديها، وبصت له ببرود تام:
“أمال جاي تعمل إيه يا فارس؟.. جاي تترجي؟ ولا تفتكر إن الكلمات دي هتصلح اللي انكسر؟”
فارس نزل على ركبة واحدة قدامها.. قدام الكل.. في موقف ماعملوش لأي مخلوق طول عمره:
“جاي أقولك إني كنت أعمى.. وأنكِ كنتِ الملكة الحقيقية للمملكة دي من قبل ما ألبس التاج.. وجاي أسلّمك سيفي.. وسلطتي.. وكل اللي باقي من قصر الشروق.. تحت أمرك.”
جهاد بصت له لحظات طويلة، والهدوء كان ملازمها، وبعدين مادت إيدها بهدوء ورفعت سيفه من على الأرض، وقالت بصوت هادئ هز أركان القاعة:
“سيفك ده كنت بتحارب بيه عشان تثبت إنك ملك.. لكنك نسيت إن الملك الحقيقي هو اللي بيحمي شعبه ومش بيخونه في ليلة زفافه.”
قربت منه خطوة، وكملت بصوت حاسم:
“التاج اللي ضاع منك يا فارس.. مش أنا اللي أخدته.. أنت اللي وقعته من على رأسك بإيدك. و‘إمبراطورية جهاد مهران‘ مابتفتحش أبوابها للمخادعين.. برّي القلعة يا فارس، وارجع لقصرك واعرف لوحدك.. إزاي تبني ملك من غير قلب.”
فارس حس إن الدنيا بتقفل عليه، وخرج من القلعة مطاطي الراس، مهزوم أشد هزيمة، بينما جهاد التفتت لبنتها حبيبة اللي كانت متابعة الموقف ببريئة، وشالتها بين إيديها بابتسامة نصر حقيقية، وبصت لشعبها ولمستقبلها اللي بيبتدي دلوقتي وبس.
#حكايات_الكاتبه_شروق_خالد
تابع المقال
منذ 3 أيام
0 262 6 دقائق




